Category: સુરત

સુરતની સચીન GIDC ચાર રસ્તા પાસે આવેલી ખાડીમાં ગેરકાયદેસર રીતે ઝેરી કેમિકલ ઠાલવી રહેલા ટેન્કરમાંથી ગેસ લીકેજ થતા 6 લોકોના મોત થયા હતા. સુરતની આ ખાડીમાં હજારો લીટર કેમિકલ વેસ્ટ ઠાલવવામાં આવે છે. ટેન્કરમાંથી ઝેરી કેમિકલ વેસ્ટ ઠાલવતી વખતે લાઇનમાંથી ગેસ લીકેજ થતા પાસે આવેલી કંપનીમાં કામ કરતા શ્રમિકોને ગેસના કારણે ગુંગળામણ થવા લાગી હતી. આ ઘટનામાં જેમાં 6 લોકોના મોત થયા છે જ્યારે 22થી વધુ શ્રમિકોને ઝેરી કેમિકલ ગેસની અસર થતાં આ શ્રમિકો ગૂંગળાયા હતા. આ શ્રમિકોને સારવાર માટે હોસ્પિટલમાં ખસેડાયા છે. પ્રાપ્ત જાણકારી મુજબ ઝેરી કેમિકલ ટેન્કરમાં લીકેઝને કારણે આ ઘટના બની હતી.

ઝેરી કેમિકલ ટેન્કરમાં લીકેઝ થવાથી બનેલી આ ઘટના બાદ ઉચ્ચ પોલીસ અધિકારીઓ અને ફાયર બ્રિગેડની ટીમો ઘટના સ્થળે પહોંચી હતી. ગૂંગળામણથી બિમાર પડેલા તમામ શ્રમિકોનું રેસ્ક્યુ કરીને સારવાર ખસેડ્યા હતા. આ શ્રમિકોમાંથી કેટલાને ગંભીર અસર થતાં વેન્ટિલેટર પર રાખવામાં આવ્યા છે.

આ ઘટના અંગે મુખ્યમંત્રી ભૂપેન્દ્ર પટેલે ટ્વીટ કરીને દુઃખ વ્યક્ત કર્યું હતું. તેમણે લખ્યું હતું કેઃ ‘સુરત ખાતે ગેસ લીક થવાથી ઘણા લોકોના દુર્ભાગ્યપૂર્ણ નિધન થયા છે. ભગવાન દિવંગત આત્માઓને શાંતિ આપે અને પરિવારના સભ્યોને આ દુઃખ સહન કરવાની શક્તિ આપે. આ ઘટનામાં જે લોકો બીમાર પડ્યા છે તેમના સ્વાસ્થ્યની કામના કરું છું.’

સુરત પોલીસ કમિશનર અજય કુમાર તોમર સહિતનો પોલીસ કાફલો ઘટનાસ્થળે પહોંચી ગયો હતો. પોલીસે અજાણ્યા શખ્સો સામે 304-અ અને 120 બી મુજબ ગુનો દાખલ કરી વધુ તપાસ હાથ ધરી છે. જોઇન્ટ પોલીસ કમિશન શરદ સિંગલે જણાવ્યું હતું કે, ખાડીમાં ગેરકાયદે રીતે ઝેરી કેમિકલ ઠાલવવામાં આવી રહ્યું હતું. FSLની ટીમ અને ક્રાઇમ બ્રાન્સ સહિતની એજન્સીઓની ટીમ ઘટનાસ્થળે પહોંચી વધુ તપાસ હાથ ધરી હતી.

ગૃહ રાજ્યમંત્રી હર્ષ સંઘવીએ ટ્વીટ કરી જણાવ્યું હતું કે, આ દુર્ઘટના મુદ્દે તેઓ સતત સુરત પોલીસના સંપર્કમાં છે. સુરત પોલીસ કમિશનરને આ મુદ્દે તપાસ કરવા માટેની સૂચના આપવામાં આવી છે. પરંતુ મહત્વનું છે કે, સુરતમાં GIDC આસપાસના વિસ્તારમાં અંકલેશ્વર, તારાપુર અને વાપીમાંથી કેમિકલ કંપનીઓ દ્વારા ઝેરી કેમિકલ વેસ્ટ ખાડીમાં ઠાલવવામાં આવે છે. જેના માટે પોલીસ અને વહીવટી તંત્રને લાખો રૂપિયા આપવામાં આવે છે.

નવી દિલ્હી: ગુજરાતના ટેક્સટાઈલના ઉદ્યોગપતિઓ દ્વારા ટેક્સટાઈલમાં GST સ્લેબમાં 7 ટકાના વધારાનો વિરોધ કરવામાં આવી રહ્યો છે. વેપારીઓ રાજ્ય સરકાર અને કેન્દ્ર સરકારમાં સ્લેબ ઘટાડો કરવા માટે રજૂઆતો કરી હતી. વેપારીઓએ ભાજપના પ્રદેશ અધ્યક્ષ સી.આર.પાટીલ અને કેન્દ્રીય કાપડ રાજ્યમંત્રી દર્શના જરદોશને પણ રજૂઆત કરી હતી જેના પગલે આ બંને નેતાઓએ કેન્દ્રીય નાણામંત્રી નિર્મલા સીતારમનને દિલ્હી ખાતે રૂબરૂ મળી રજૂઆત કરી હતી.

કેન્દ્ર સરકાર ટેક્સમાં ઘટાડો કરવા માટે વિચારણા પણ કરશે તેવી બાહેધરી નિર્મલા સીતારમન તરફથી આપવામાં આવી હતી. મહત્વનું છે કે કાપડ ઉપર 12 ટકા GST લાગુ કરવાની જાહેરાત થઈ ગઈ છે. જેને લઈ વેપારીઓ વિરોધ કરી રહ્યા છે. સુરતમાં સધર્ન ચેમ્બર ઓફ કોમર્સના નેજા હેઠળ વિવિધ ટેક્સટાઇલ સંગઠનોની મિટિંગ પણ મળી હતી. કોર કમિટી બનાવીને વિવિધ સ્તરે રજૂઆત કરવામાં આવી રહી છે.

મહત્વનું છે કે કોટનનાં ભાવમાં પણ ચાલુ વર્ષે વધારો થયો છે. આ ઉપરાંત ટેક્ષમાં વધારાથી વેપારીઓની કપડાંની પડતર કિંમતના વધારો થશે તેવું વેપારીઓની અનુમાન છે. જેના કારણે વેપારીઓએ પણ કાપડના ભાવમાં વધારો કરવો પડી શકે જેનાથી વેપારમાં ફટકો પડી શકે છે. જેને લઇ વેપારીઓ દ્વારા વિરોધ કરી રહ્યા છે. દેશમાં કાપડનું સૌથી વધુ ઉત્પાદન સુરતમાં થાય છે. સી.આર.પાટીલ અને દર્શના જરદોશને વેપારીઓએ રજૂઆત કરી હતી. જેને લઇ બંને નેતાઓએ સુરતના પ્રતિનિધિ તરીકે કેન્દ્રીય નાણામંત્રી નિર્મલા સીતારમનને GST માં ઘટાડો કરવા માટે રજૂઆત કરી હતી.

સુરત: પાંડેસરામાં 4 નવેમ્બરના રોજ દિવાળીની મોડી સાંજે અપહરણ કરી બાળકી પર દુષ્કર્મ આચરનાર નરાધમને કોર્ટે ફાંસીની સજા ફટકારી છે. કોર્ટે સરકારી વકીલ અને ફરિયાદી વકીલની દલીલોને મળ્યા રાખી ઉદાહરણરૂપ ચુકાદો આપ્યો હતો. પોકસો કેસમાં આ સૌથી ઝડપી ચુકાદો હતો. ૨૧ દિવસ ટ્રાયલ બાદ કોર્ટે આજે સજાની જાહેરાત કરી દીધી છે. સુરત સેશન્સ કોર્ટમાં ચુકાદાને હાઇકોર્ટમાં કન્ફર્મેશન માટે મોકલવામાં આવશે.

શું બની હતી ઘટના?
વડોદ ગામ વિસ્તારમાં રહેતા બિહારી પરિવારના ઘર આંગણે રમી રહેલી અઢી વર્ષની માસુમ બાળાનું પોતાના ઘરના આંગણામાંથી અપહરણ કરી દુષ્કર્મ આચર્યા બાદ નરાધમે હત્યા કરી દીધી હતી. આ જઘન્ય અપરાધ કરનાર બીજો કોઈ નહી પરંતુ બાળકીના પડોશમાં રહેતો જ હતો.

આરોપીએ રિમાન્ડ દરમિયાન માસૂમનું અપહરણ કરી કયા રસ્તેથી પાંડેસરા GIDCની આર્મો ડાઈંગ મીલની પાછળ અવાવરૂ જગ્યા પર લઈ જઈ જધન્ય કૃત્ય આચાર્યુ અને ત્યારબાદ પાંડેસરા શાસ્ત્રીનગરમાં રહેતા મિત્રને ત્યાં કયા રસ્તેથી ગયો હતો તેની કબૂલાત કરી હતી.

આ ઉપરાંત નરાધમ ગુડ્ડુના મોબાઈલમાંથી 149 પોર્ન વીડિયો પણ મળી આવ્યા હતા. આ ઉપરાંત પોલીસે વડોદ ગામના આર્શીવાદ નગરમાં પ્લોટ નં.122માં આવેલી જય અંબે નામની દુકાનમાં દરોડા પાડયા હતા. દુકાનદાર લક્કી ઉર્ફે સાગર વિજય શાહની IPC 292 હેઠળ ધરપકડ કરી પોર્ન વીડિયો વાળો મેમરી કાર્ડ, કોમ્પ્યુટર અને કાર્ડ રીડર કબ્જે લીધું હતું. ઉલ્લેખનીય છે કે લક્કી ઉર્ફે સાગર ગુગલ અને યુ-ટ્યુબ પરથી પોર્ન વીડિયો ડાઉનલોડ કરી મેમરી કાર્ડમાં કોપી કરી તે કાર્ડ 300 રૂપિયામાં વેચતો હોવાનું તપાસમાં બહાર આવ્યું છે.

સુરત: પાંડેસરા વિસ્તારમાં અઢી વર્ષની બાળકી પર દુષ્કર્મ-હત્યા કેસમાં પોક્સો કોર્ટે આરોપી ગુડ્ડુ યાદવને દોષિત જાહેર કર્યો છે. કોર્ટ આરોપીને કાલે સજા સંભળાવશે. કોર્ટમાં બચાવ બંને પક્ષો દ્વારા ધારદાર દલીલો કરવામાં આવી હતી. સરકારી વકીલે દાખલારૂપ સજા ફટકારવાની માંગ કરી છે તો બચાવ પક્ષે આરોપીને કડક સજાથી પરિવાર પર અસર પડી શકે તેવી દલીલ કરી હતી. આરોપીના માતા પિતાની ઉંમર વધુ છે અને આરોપી બે સંતાનોના પિતા હોવાથી ઓછી સજા કરવા માંગ કરવામાં આવી છે.

દિવાળીની રાત્રિએ આરોપીએ બાળકીનું અપહરણ કર્યુ હતું અને તેના પર દુષ્કર્મ ગુજારી તેની હત્યા કરી દીધી હતી. CCTV ફૂટેજના આધારે પોલીસે આરોપીને ઝડપી પાડ્યો હતો. પોક્સો કોર્ટમાં આજે બંને પક્ષની દલીલો પૂર્ણ થઈ હતી. સરકાર પક્ષના વકીલ અને ફરિયાદી પક્ષના વકીલે આરોપીને ફાંસીની સજા મળે તેવી માગ કરી છે. સમાજમાં આવી ઘટનાઓ બનતી અટકાવવા અને દાખલો બેસે તેના માટે ફાંસીની સજા મળે તેવી અપીલ કરાઈ હતી. મહત્વનું છે કે થોડા દિવસ પહેલા જ ગાંધીનગરમાં સાંતેજમાં બાળકી પર દુષ્કર્મ કેસમાં ફાસ્ટ ટ્રેક કોર્ટે આરોપીને આજીવન કેદની સજા સંભળાવી છે.

ગત 4 નવેમ્બર દિવાળીની સાંજે સુરતના પાંડેસરામાં ઘર પાસેથી અપહરણ કરાયેલી અઢી વર્ષની બાળકીની લાશ ઘરથી 300 મીટરના અંતરે મળી હતી. બાળકી પર દુષ્કર્મ આચરી ગળું દબાવી હત્યા કરાઈ હતી. પોલીસે આરોપીને 8 નવેમ્બરના રોજ ઝડપી પાડ્યો હતો. જે હાલ જ્યુડિશિયલ કસ્ટડીમાં જેલમાં બંધ છે. દરમિયાન પોલીસ દ્વારા આરોપી પકડાયાના 7 દિવસમાં જ 246 પાનાંની ચાર્જશીટ રજૂ કરી દેવામાં આવી છે.

શું બની હતી ઘટના?
વડોદ ગામ વિસ્તારમાં રહેતા બિહારી પરિવારની ઘરના આંગણામાં રમી રહેલી અઢી વર્ષની માસુમ બાળાનું પોતાના ઘરના આંગણામાંથી અપહરણ કરી દુષ્કર્મ કર્યા બાદ હત્યા કરી હતી. આ જઘન્ય અપરાધ કરનાર બીજો કોઇ નહી પરંતુ બાળકીના પડોશમાં રહેતો જ હતો. નરપિશાચ પડોશી એવા બે સંતાનના પિતા ગુડ્ડુકુમાર મધેશ યાદવની સજા અંગે આજે ચુકાદો આવશે. આરોપીએ રિમાન્ડ દરમિયાન માસૂમનું અપહરણ કરી કયા રસ્તેથી પાંડેસરા GIDCની આર્મો ડાઇંગ મીલની પાછળ અવાવરૂ જગ્યા પર લઇ જઇ જધન્ય કૃત્ય આચાર્યુ અને ત્યારબાદ પાંડેસરા શાસ્ત્રીનગરમાં રહેતા મિત્રને ત્યાં કયા રસ્તેથી ગયો હતો તેની કબૂલાત કરી હતી.

આ ઉપરાંત નરાધમ ગુડ્ડુના મોબાઇલમાંથી મળેલા 149 પોર્ન વિડીયો પણ મળી આવ્યા હતા. આ ઉપરાંત પોલીસે વડોદ ગામના આર્શીવાદ નગરમાં પ્લોટ નં.122માં આવેલી જય અંબે નામની દુકાનમાં દરોડા પાડયા હતા. દુકાનદાર લક્કી ઉર્ફે સાગર વિજય શાહની આઇપીસી 292 હેઠળ ધરપકડ કરી પોર્ન વિડીયો વાળો મેમરી કાર્ડ, કોમ્પ્યુટર અને કાર્ડ રીડર કબ્જે લીધું હતું. ઉલ્લેખનીય છે કે લક્કી ઉર્ફે સાગર ગુગલ અને યુ-ટ્યુબ પરથી પોર્ન વિડીયો ડાઉનલોડ કરી મેમરી કાર્ડમાં કોપી કરી તે કાર્ડ 300 રૂપિયામાં વેચતો હોવાનું તપાસમાં બહાર આવ્યું છે.